По повод Светската недела на детето, под слоганот “ Имам право да се хранам здраво“ денеска во посета на третооделенците кај наставниците Кети Стевананџија и Тони Ташкоски, беше Филип Димкоски, агроном, поет и градинар . И, се почна како убава приказна за зеленчукот и ововшјето!
На двочасовната дружба исткаена со стихови од сихозбирката за деца на Филип „Песни кратки за плодови слатки“ , се зборуваше со интересни факти за важноста, нa зеленчукот и овошјето, сето надополнето со видео материјали и музичка изведба на учениците.
По дегустирањето на овошна и зеленчукова салата која беше подготвена на часот, со продукти од Градината на Филип, учениците правеа изработки од пластелин, цртежи и лични поетски творби за ововшјето и зеленчукот.
А, се’ беше така вкусно од „Градината на Филип„ и инспиративно за стихови и пораки , па детските раце посигнуваа по секоје едно парче, пиперка, домат, јаболко, круша, лимон, тиквичка …,по секое едно парче здравје, што овошјето и зелнчукот го нуди. Задоволството од ваквиот инспиративен час беше заеднички, па сите уживаа во интерактивната настава за здрава храна.
„Научивме дека секое дете има право на здрава храна, а најздрава е храната што ќе ја произведеме сами или ќе ја набавиме од локалните производители.„ – истакнаа учениците од трето одделение од ООУ ,,Кире Гаврилоски – Јане” -Прилеп.
