При градежни работи во дворот на црквата „Свети Никола“ во село Чепигово денеска е пронајдена статуа. Наводно статуата е пронајдена при туркање на тремот кој што е во план за реновирање. Станува збор за античка статуа за која што доправа НУ Завод и Музеј треба да истражи од кога датира.
Светиот храм, црквата „Св. Никола“ — во прилепското село Чепигово е претставник на Македонската преродба. Му припаѓа на Прилепското архијерејско намесништво во Преспанско-пелагониската епархија на МПЦ – ОА.
Црквата е гробишен храм, сместен во западниот дел на селото. Изградена е во XIX век. Претставува мала еднокорабна градба со покукружна апсида и подоцна дограден трем на западната страна. За време на Првата светска војна храмот значително настрадал. Подоцна е возобновен.
Црквата „Св. Никола“ е полна со мермерни елементи од старите градби на Стибера, како во самата градба, како сполии, така и во просторот околу неа. Со црквата има големиот број преданија, поврзани со селото Чепигово и стариот град Стибера кој што е предмет на археолошки истражувања.
