Пијаниот возач го сопрела полицијата по рутинска контрола во сообраќајот. Тој возел со 2,79 промили алкохол во крвта. А, пред полноќ кај лица од с.Мало Коњари полицијата во возилото пронашла прашкаста материја.
На 22.11.2025 во 02:50 часот на ул. „Прилепски бранители“ во Прилеп, полициски службеници од ОВР Прилеп го лишиле од слобода Д.С. од Прилеп. При контрола во сообраќајот, полициските службеници сопреле патничко возило „опел” со прилепски регитарски ознаки, при што било констатирано дека Д.С. го управувал возилото под дејство на алкохол, односно измерени му биле 2,79 промили алкохол во крвта. Д.С.бил отстранет од сообраќај и по документирање на настанот против него ќе биде поднесена пријава за „безобѕирно управување со моторно возило” казниво по чл.297А од КЗ, информираат од СВР Битола
На 21.11.2025, пак, во 22:00 часот, полициски службеници од ОВР Прилеп во близина на Паркот на револуцијата во Прилеп ги лишиле од слобода А.П. од Прилеп и Б.Н. од с.Мало Коњари, прилепско. Имено, при контрола на патничко возило „сеат” со прилепски регистарски ознаки, управувано од А.П. и совозач Б.Н. била пронајдена прашкаста материја.
По документирање на настанот ќе бидат поднесени соодветни поднесоци, информираат од СВР Битола
