По барање на жителите на една од најголемите населби “Точила“, повторно е отворен наплатниот центар на двете ЈКП, Комуналец и Водовод и Канализација, кој беше неколку години вон функција.
Со наплатниот центар ќе се овозможи поефикасна наплата, зашто жителите од оваа населба повеќе не ќе мораат наплатата да ја вршат во централното градско подрачје, каде овие две јавни претпријатија има наплатен центар.
– Ве информираме дена наплатниот центар во населбата Точила, ул,,Самоилова”, бр. 6, е повторно отворен. Во овој наплатен центар можете да ги плаќате комуналните сметки од ЈКП ,,Комуналец”- Прилеп и ЈКП,,Водовод и канализација.“ – информираат од ЈКП Комуналец на нивната ФБ страна.
Работното врема на наплатниот центар е од понеделник до петок, од 07:00 -15:00 часот.
Воедно граѓаните, кои сакаат да го користат електронското наплаќање без физичко присуство, ќе можат да го користат и електронскиот систем за наплата преку веб страна на ЈКП Комуналец,
За подобрени услуги, за заедничка доверба, за услужени и задоволни граѓани, во чиста и уредена општина, велат од ЈКП Комуналец, како слоган за нивното делување за почист град.
