Четврта година по ред на 14 ти јануари, за Василица, денот кога православните христијани ја празнуваат Православна Нова Година ќе се одржи манифестацијата „На Василица во Прилеп“ од 12 часот на платото кај Градскио саат. Традиционално ќе се служи бурек, греано вино, чај, убава музика и забава, дружење во чест на големиот празник. Организаторот Општина Прилеп се погрижи одбележувањето на празникот да биде во духот на традицијата.
За секој посетител ќе има парче бурек, а се верува дека тој што ќе го пронајде златното париче ќе има среќа цела година:
Градоначалникот Борче Јовчески упати апел до сограѓаните да бидат дел од манифестацијата: Драги сограѓани, Со големо задоволство ве покануваме на традиционалниот настан „На Василица во Прилеп 2025“, кој ќе се одржи во вторник, на 14 јануари 2025 година, со почеток во 12:00 часот на Платото кај Градскиот саат. Дојдете заедно да го одбележиме доаѓањето на Новата Година според јулијанскиот календар! За секој посетител ќе има парче бурек, а една среќна паричка ќе го најде својот сопственик! Ве очекуваме!
