Лицето кое што во март оваа година, пукаше и застрела вработена во Маѓуопштинскиот центарот за социјални работи – Прилеп, денеска избегало од психијатриската болница, ЈЗУ Психијатриска болница Демир Хисар, информира МВР.
–
Денеска (29.11 2025) во 17:00 часот, полициски службеници од ОВР Прилеп на место викано „Мечкин Камен” во Крушево го приведоа А.Ј.(51) од Прилеп. Имено, претходно, во 13:35 часот во ОВР Прилеп било пријавено дека од Психијатриската болница Демир Хисар, А.Ј.(51) од Прилеп се оддалечил од болницата, соопштија од МВР.
Наводно, лицето се заканувало на повеќемина додека полицијата не го фатила и привела во соседно Крушево.
Настанот се случи на 24.03.2025 во Прилеп, кога полициски службеници од ОВР Прилеп го лишиле од слобода А.Ј.(50) од Прилеп затоа што претходно во просториите на Јавната установа – Центар за социјални работи Прилеп од огнено оружје пукаше во вработената М.Ѓ.(37) од Прилеп и ѝ нанесе тешки повреди. М.Ѓ. бише на болничко лекување каде ѝ беа констатирани тешки телесни повреди. По документирање на настанот, против А.Ј. беше поднесена кривична пријава.
И, тогаш полицијата проверуваше како насилникот кој пукаше и тешко рани вработена во МЦСР Прилеп, избегал при транспорт од ЈЗУ Психијатриска болница Демир Хисар до Основен суд Прилеп, и како дошол до оружје. На разговор тогаш беа повикани повеќе лица, стоше во известувањето од СВР Битола за овој немил настан, кој ја предизвика сериозен страв кај вработените во центрите за социјална работа, кои тогаш преки протести бараа поголема заштита и безбедност како јавни служебници при вршење на нивната работа. Но, набрзо се случи “Кочани“ и овој случај беше брзо заборавен. Остана, без сериозен пристап и важност, само, забележан во новинарските и полициските извештаји.
