Поетско љубовниот перформанс кој вечерва повторно го покажа својот раскош пред прилепчани , „Љубење со стихови” повторно ја имаше својата магична вечер.Една несекојдневна,посебна поетска галаксија која едноставно те тера да не ги штедиш дланките а претходно да уживаш во стиховите кои на свој препознатолив начин пред присутните ги презентираа , Филип Димкоска и Лина Димоска , од оваа година, секако, носители на здружението ЗОКУМ.Сите стихова , цела таа емоција го преплави секој љубител на читаниот збор но и на оние кои не можеа да одолеат на “голтката црвено вино” која кажува се , на „слатката закуска” која само ја надополнуваше позитивната енергија кај секого.Се започна со „умилкувањето” , преку „крилата на љубовта” и „тајната на постоењето” продолжи со „љубовното востание” и „заљубувањето по трет пат , за да ова вечерашно љубење со стихови кулминира со „таа фамозна Барбара”.Дефинитивно оваа манифестација треба да се доживее , зашто сигурно на крајот душата е исполнета.Во продолжение , екслузивно за Радио Пела , погледнете еден сегмент од оваа прекрасна атмосфера.
