Прекинот со напојување на електрична енергија кај Прилеп и околните села беше саниран во 00.49 часот. Поради дефект вчера, цел Прилеп беше во мрак 5 часа,а без струја остана и Кривогаштани.
Од ЕВН Македонија дополнително појаснија дека дефектот не бил во нивната дистрибутивна мрежа, туку на високонапонскиот преносен систем на МЕПСО, кој ја снабдува целата јужна и централна зона на земјата.
Граѓаните на Прилеп кој останаа и без конкретна информација “кога ќе има струја? кога ќе биде отстранет дефектот?““ крајно нервозни, на социјалните мрежи, ја криткуваа ваквата постапка на МЕПСО.
Градоначалникот на Прилеп, Дејан Проданоски, синоќа излезе на терен заедно со екипите на АД МЕПСО, кои интензивно работат на отстранување на дефектот на далноводот Прилеп – Кавадарци, што предизвика прекин во снабдувањето со електрична енергија во делови од Општина Прилеп.
Тој нагласи дека е бил во постојан контакт со надлежните служби и дека се следеле сите активности од лице место со цел проблемот да се реши во најкраток можен рок.
