Државната изборна комисија ги објави првичните неофицијални резултати по пребројани 23,56% од избирачите, за изборите за градоначалници. Во моментов, водечка позиција во трката за градоначалници имаат:
ВМРО-ДПМНЕ во 51 општина;
ВЛЕН води во 9;
НАИ (коалицијата предводена од ДУИ) води во 7;
СДСМ и коалицијата води во 9;
ДП на Турците 1 градоначалник и
ГИ А. Садики 1.
Сепак, иако на ниво на држава се обработени 23,56% од избирачите, во некои општини се обработени помал, а во други поголем процент од избирачите. Така што, за очекување е да има значителни промени во однос моменталните резултати.
Она што можам да го кажам прелиминарно, во дел од општините, ВМРО-ДПМНЕ во првиот круг ќе победи во ќе победи во Кисела Вода, Гази Баба, Ѓорче Петров, Аеродром, Охрид, Ресен, Градско, Јегуновце, Василево, Радовиш. Ова во Отвореното студио на Сител го изјави членот на Извршниот комитет на ВМРО-ДПМНЕ, Антонио Милошоски.
„Градоначалник исто така ќе задржиме во општина Штип. Добиваме градоначалник исто така и во Струмица, после 20 години. Градоначалници исто така ќе имаме во Босилово, Вевчани и убедлива победа Прилеп. За преостанатите општини се преработуваат сите податоци“, изјави тој повикувајќи се на прелиминарни резултати од Аналитичкиот центар на партијата.
