Учениците од ООУ „Климент Охридски“ формираа медиумски клуб под менторство на наставничката Јулијана Талеска. Учат за медиумската писменост, за мобилно новинарство, за новите медиуми, учат како се негува македонскиот литературен јазик.
Која е целта, идејата и како ќе функционира медиумскиот клуб „К“ разговаравме со менторката, наставничка Јулијана Талеска и уредничката Бојана.
Медиумскиот клуб „К“ од ООУ „Климент Охридски“ Прилеп е прв кој што функционира во едно основно училиште во градов. Годинава основнците од ова училиште заедно со средношколците од медиумскиот клуб од СОУ „Орде Чопела“ ќе „запловат“ во брзите и немирни води на новинарството, ќе се запознаат со основните поими и техники на создавање медиумски содржини.
Медиумската писменост денес во македонските училишта е се’ позастапена и уште од мали нозе се изучува во основните училишта. Овие медиумски клубови влеваат надеж дека во услови на се’ помала заинтересираност за новинарската професија во Македонија, Прилеп е на добар пат да ја осигура својата иднина.
