Екипите на Јавното комунално претпријатие Комуналец , спроведоа активности за чистење на диви депонии низ градот со цел да се подобри хигиената и да се заштити животната средина.„Денеска екипите чистеа на потегот од градот кон вештачкото езеро, а оваа локација во изминатиот период е чистена повеќе пати “, вели директорот на ова јавно претпријатие , Љубиша Јованоски.
Во Прилеп се регистрирани околу 28 диви депонии кои се чистат двапати годишно. Општината оддвојува околу 4 200 000 денари (близу 70 000 евра) за справување со дивите депонии, пари кои што наместо за развој се трошат на заедничка штета од сите граѓани, на сметка на неодговорните сограѓани што расфрлуваат отпад каде што ќе им се посака. Од ЈКП Комуналец упатуваат апел до сите граѓани правилно да го одлагаат отпадот , се’ со цел да имаме здрава и чиста животна средина.
