Триесет и седумгодишниот планинар од Прилеп кој беше пријавен како изгубен на Пелистер и за кој попладнево се трагаше и беше организирана спасувачка акција од Центарот за управување со кризи (ЦУК) слегол жив и здрав од планината. Оваa информација за медиумите ја потврди и директорот на Националниот парк Пелистер, Иванчо Тошевски.
(Ексклузивна фотографија од пронајдениот планинар од Прилеп е од Тера Тв која е добиена
од планинарот Омер Бесимовски, на која е сликан планинарот по кој се трагаше во моментот кога слегол во Ниже Поле)
Како дошло до оваа случка?
Како дошло до оваа случка?
Според непотврдени информации, прилепскиот планинар кој се движел со група планинари, од силниот ветер му испаднал телефонот кој го имал во рака. Тој барајќи го телефонот, останал зад групата, застанал на местото во исчекување дека групата ќе се врати назад. Но, групата планинари продолжиле да го бараат. По триесетина минути , откако планинарот не можел да ја најде патеката по која се движел, нашол друг пат и се движел надолу до Ниже Поле.
За среќа, се поминало во најдобар ред и планинарот што денеска се изгуби на Пелистер нема никакви последици по неговото здравје.
Денеска на подрачјето на Националниот парк Пелистер, во близина на локацијата позната како „Антена“, било пријавено дека е изгубен планинар. Лицето било телефонски достапно околу 10 минути, по што не бил достапен сигналот на неговиот мобилен телефон. Потрагата првично започнала со ратрак, за подоцна случајот да биде пријавен во СВР Битола и во Националниот парк Пелистер – Битола, по што екипи веднаш се упатија на терен. Теренот бил непристапен со густа магла, и од Ситуациониот центар биле побарани координати за лоцирање на планинарот.
За среќа се се завршило успешно.
