Денеска (02 .12 2024 ) бевме гости во Општина Кривогаштани.
Општина Кривогаштани / Municipality of Krivogashtani е вклучена во мрежата на иницијативата на Радио Пела “Промени го мислењето остани надвор од маѓепсаниот круг“ што е дел од заедничката иницијатива на Европската Унија и Советот на Европа „Хоризонтален инструмент за Западен Балкан и Турција“, за борба против трговијата со луѓе, која има за цел на непосреден начин да ја запознае локалната заедница и да ја подигне јавната свест за опасностите од трговија со луѓе, со акцент на трговија со деца за присилни бракови – за препознавање, алармирање и спречување на оваа појава.
Во рамките на иницијативата пред кривогаштанската публика беше прикажана театарската претстава “Maѓепсан круг” во изведба на драмската секција при СОУ “Ѓорче Петров„-Прилеп, која ја сочинуваат четири одвоени приказни за деца тргувани за принудни бракови и ја идентификува сиромаштијата како основна причина на ова појава. Претставата делуваше емотивно и успеа да ја подигне свеста кај локалната заедница во Општина Кривогаштани за опасностите од трговија со деца за присилни бракови.
Воедно, младите од Општина Кривогаштани пројави интерес да ја чујат и радио драмата која го носи истото име „Маѓепсан круг“, па екипата на Радио Пела им подари УСБ со аудио драмата.
Активноста е дел од иницијативата „Промени го мислењето остани надвор од маѓепсаниот круг“ на Радио Пела и е поддржана од проектот „Зајакнување на активностите против трговија со луѓе во Северна Македонија“, како дел од заедничката иницијатива на Европската Унија и Советот на Европа „Хоризонтален инструмент за Западен Балкан и Турција“. Ставовите изразени во оваа активност на ниту еден начин не може да се сметаат дека го одразуваат официјалното мислење на Европската Унија или на Советот на Европа.
