По речиси шеесетина години во Центарот за култура „Бели мугри“ пристигна новата современа ласерска и мобилна кино-опрема од реномирани производители од САД, Јапонија и Австрија во вредност од 1 2000 000 денари, набавена со финансиската донација од Агенцијата за електронска комуникација.
Директорката Габриела Стефановска за Радио Кочани посочи дека во наредните денови ќе следува тест на функционалноста на опремата и обука за вработените за ракување со опремата.
Додаде дека и во тек се и подготовките околу креирање на редовен филмски репертоар, со цел кочанската публика да има разновиден избор и по вкус на сите возрасни категории.
НУЦК „ Бели мугри“ Кочани , навремено ќе ја информира јавноста за терминот на првата филмска проекција и за планираните филмски проекции во наредниот период.
Содржината на објавата е сопственост на Радио Кочани.
