Доброволното противпожарно друштво од Кочани започна со кампања за собирање средства за набавка на едно пикап возило, кое ќе биде надоградено со модул за гасење на шумски пожари и пожари на отворено.
-Со набавка на ова возило ќе го комплетираме нашиот предвиден возен парк и значително ќе ги зголемеме капацитети во справување со шумските и пожарите на отворено, соопштија кочанските пожарникари – доброволцои.
-Ги потикнуваме граѓаните и општествено одговорните фирми да донираат, со што час поскоро ќе ја оствариме нашата цел и ќе го набавиме специјалното пикап возило. Со тоа ќе се зајакне безбедноста на целата заедница, сметаат од ДПД Кочани, чии членови, во секоја интервенција во случај на пожар, ги придружуваат припадниците наТППЕ од Кочани.
Содржината на објавата е сопственост на Радио Кочани.
