Во одделението на ЈОУ Библиотека ,,Искра” во кочанската населба Оризари, во пресрет на 23 Април – Светски ден на книгата и авторското право, на пригодна свеченост прогласени се најдобрите читатели. Во категоријата деца, титулата „најчитател“ на годината ја понесе Андреа Христова, додека кај возрасните најмногу книги во претходната година има прочитано, Ѓорѓиева Анка.
Настанот денеска во Оризари е активност штое дел од дводневната програма со која Библиотеката „Искра“ од Кочани го чествува Светскиот ден на книгата и авторското право.
Денеска се реализираа уште два настани предвидени со програмата за одбележување на 23 Април. Во ОУ „Крсте Петков Мисирков“, исто така во населбата Оризари, се приреди средба со ученици во чест на Вилијам Шекспир, при што се реализираше литературно читање на едицијата „Шекспир за деца“ во издание на Арс Ламина.
Во Детската градинка „Павлина Велјанова“, пак, на најмалите им беа претставени и прочитани детски изданија како дел работилницата „Мојата прва книга“.
Првиот ден од одбележувањето на Свестскиот ден на книгата и авторското право во Библиотеката „Искра“ во Кочани заврши со промоција на книгата „Учесници во народноослободителната и антифашистичка војна на Македонија 1941-1945 од Кочани и кочанско“ од авторот Славица Цветкова.
Содржината на објавата е сопственост на Радио Кочани.
