Градоначалниците на општините Кочани, Виница, Зрновци и Чешиново-Облешево, Љупчо Папазов, Миле Петков, Борчо Коцев и Далибор Ангелов потпишаа Договор во врска со преземањето и третманот на комуналниот отпад на Градската депонија во Кочани.
Според договорот, општините Виница, Зрновци и Чешиново-Облешево имаат обврска да плаќаат по 220 денари за метар кубен отпад депониран на депонијата во Кочани. Количините на депонираниот отпад ќе се утврдуваат на дневна основа, според носивоста на возилата.
Општина Кочани преку КЈП „Водовод“ ќе презема активности за управување со депонијата во Кочани.
Доколку произлезат прашања коишто не се предвидени со овој договор, тие дополнително ќе се уредат со анекс.
Содржината на објавата е сопственост на Радио Кочани.
