„Македонски херои“ се вика спортската сала на Средното фискултурно училиште во Скопје каде се одигра најсрамниот натпревар во историјата на македонскиот женски ракомет, куп натпревар меѓу Скопје и Гевгелија. Во последните 5 минути од натпреварот таканаречените „ракометарки“ намерно го промашуваа головите и на едната и на другата страна и си даваа автоголови. Очигледно, ниту едните, ниту другите не сакаа да победат.
Судиите го прекинаа натпреварот, за по кратка пауза по консултација со делегатите „играта“ да продолжи. Никој не се радуваше на крајот, бидејќи победата не им беше императив на двете „екипи“. Натпреварот заврши 16:17 за гостинките.
Брука и срам за македонскиот ракомет и за спортот воопшто.
