Пробите за новата театарска претстава, комедијата „Девојките на Марко“ на Народниот театар “Војдан Чернодрински“ – Прилеп се во полн тек . Со многу посветеност и напорна работа се гради сценскиот израз на претставата која e во режија на Синиша Ефтимов.
Сценографија и костимографија е на Илина Ангеловска, а во претставата се вклучени актерите :
Илија Волчески, Димитар Ѓорѓиевски, Наташа Ачански, Јасмина Мицовска Станкоска, Марија Спиркоска Илијеска и Лора Штарго.
– Следејќи го пулсот на публиката и нејзината потреба за ведрина и смеа, театарот континуирано го гради својот репертоар во дијалог со гледачите. Комедијата, како жанр кој публиката особено го препознава и го сака, претставува важен дел од таа врска — и воедно наша обврска. Со овој проект ја продолжуваме таа линија, со цел да понудиме современа, комуникативна и блиска театарска приказна , велат од прилепскиот театар.
Премиерата на новата театарска претстава „Девојките на Марко“ според романот на Оливера Николова, се очекува кон крајот на мај.
