На улицата „Прилепски бранители“, на потегот од семафорите до кружниот тек кај Здравствен дом од двете страни на улицата , се реализираше акцијата за засадување на зимзелени, украсни и грмушкести растенија. Засадувањето го спроведе ЈКП „Комуналец“ – Прилеп, во соработка со Локалната самоуправа и ПИ Витаминка, која годинава прославува 70 години од своето постоење.
„Беа засадени златна и зелена туја, фотинија, тен-тен, јапонициус, украсна ружа, и др. видови украсни растенија, со што просторот доби подобар освежен, уреден и урбан изглед. Уредувањето на централното градско јадро е со цел збогатување на визуелниот амбиент и јавниот простор,“ велат од ЈКП Комуналец.
Пролетната акција за зелен Прилеп ќе продолжи и наредниве денови со засадување на булеварските жардиниери, комплетно уредување и озеленување на цветните улички и други зелени и парковски површини.
ЈКП Комуналец упати благодарност до Прехранбената индистрија Витаминка за гестот и поддршката како општествено одговорна компанија и кога е во прашање комуналното уредување на Прилеп.
