На денешен ден во 1926 година во Прилеп родена е театарската, радио и ТВ режисерка Тодорка Кондова Зафировска. Таа е првата високообразувана, дипломирана режисерка во современиот македонски театар. Дипломираа на Академијата за театарска уметност во Белград во 1952 година, во првата генерација од основањето на Академијата во Белград.
Во својата безмалку полувековна кариера, Кондова беше пионерка и првенка во многу нешта.
Во нејзината биографија има повеќе историски датуми, а некои се: улогата во првата претстава на мaкедонски јазик во 1945г., МНТ -„Платон Кречет“. Првата режија во МНТ во 1956г., „Домот на Бернарда Алба“од Лорка. Многумина ја паметат по улогатата на Евдокија во тв-серијата „Солунски патрдии“ и по улогата на Атина во „Викенд на мртовци“
Во групата е која го основа денешниот Драмски театар, чија вечерна сцена почнува со работа со нејзината режија на „Богомилска балада“.
Кондова е прва жена доцент, а потоа и професор на ФДУ-Скопје, од 1976-1982, кога оди во пензија. Автор е на првиот учебник за глума, ,,Актерско мајсторство”, 1983 година.
Тодорка Кондова Зафировска загина на 29 мај 2003 година во Скопје на 77 годишна возраст.
Во моментов во подготовка е книга која ќе претставува архива, но и сеќавање и инспирација. Изданието е поддржано оф Министерството за култура и туризам на Македонија, а издавач ќе биде Арс ламина од Скопје.
фото: Зоран Кардула
видео: Горан Марковски
