Над 500 лица се пријавени за учество во традиционалното спуштање на крстот во Прилеп и во прилепско на Богојавление – Водици. Централната манифестација ќе се одржи во Аква паркот Салида, а се очекува над 100 лица да земат учество на 19 ти јануари само на овој наста. Чинот на големиот Богојавленски водосвет и фрлањето на Светиот Крст во водите на базенот при хотелот „Салида“, ќе се одржи во 12:00 часот. Пријавувањето на учесниците за централниот настан започна на 9 ти јануари. Организатори се Општина Прилеп со православната црква во Прилеп.
И годинава традицијата за полагање на светиот крст во Плетварското езеро продолжува по шести пат. Настанот е уникатен и привлекува секоја година се’ повеќе гости и учесници. Наместо фрлање по светиот крст во водата, учесниците чекорат со осветениот крст во водите на езерото на одредено место обележано во форма на крст и при излегувањето го принесуваат, го предаваат, крстот на следниот пријавен. Ова традиционално осветување на водите во Плетварско езеро ќе се одржи со почеток од 11 часот.
Во прилепските населени места полагањето на светиот крст ќе се одржува во претпладневните часови на 19 ти јануари – Богојавление Водици, според најавите во 18 села и локации во општината.
