Во пресрет на празникот Проштени поклади – Прочка Прилеп се подготвува за традиционалниот Карневал кој што е еден од традиционалните настани и манифестации за градот. Градоначалникот Дејан Проданоски остварил средба со првите луѓе на Федерацијата на европските карневалски градови со претседателот на Федерацијата на европски карневалски градови (FECC), г-дин Ларс Алгел од Шведска, и потпретседателот Александар Цицимов.
Од средбата треба да произлезе поголема промоција на Прилеп за позиционирањето на градот како важна карневалска дестинација во Европа и подигнување на прилепскиот Карневал на повисоко меѓународно ниво за привлекување поголем број на учесници со атрактивна програма.
