„Проектот опфаќа целосна реконструкција и уредување на тротоарот со бекатон плочки, поставување ново улично осветлување, кое досега недостасуваше на овој потег, како и поставување урбана опрема, со што просторот ќе биде безбеден и функционален за пешаците. Со оваа инвестиција значително се подобруваат безбедноста, функционалноста и изгледот на кејскиот појас, кој е важна пешачка и рекреативна зона за сите граѓани, особено за жителите од околните населби.“ истакна градоначалникот на Прилеп, Дејан Проданоски кои беше на увид на градежнит активности.
Во реконструкцијата на тротоарите на улицата улица Кеј 1-ви Мај“, општина Прилеп ги вклучува и граѓаните да земат активно учество, во реализацијата на проектот со носењето на предлози, решенија и одлуки според нивните потребите и видувања за поквалитетна реализиција на овој инфраструктурен зафат.
Транспаретно, на официјална веб страна од општината веќе е достапен т.н „Образец за поплаки за проектот „Реконструкција на тротоари на улица Кеј 1-ви Мај“
Образецот за поплаки на веб-страницата на Општина Прилеп можете да го преземете ТУКА
Образец за поплаки ќе остане објавен на официјалната веб страна на Општина Прилеп за целиот период од спроведување, сѐ до завршувањето и затворањето на проектот. А, сандачиња за жалби и поплаки се ставени и во приемно одделение ЕЛС Општина Прилеп.
Со започнување на градежните работи општината се обврзува да ја информира јавноста, односно локалното население и останатите засегнати страни дека можат да земат активно учество преку Механизам за жалби и поплаки, а со тоа и самите да се вклучат во реализацијата на проектот.
