Големиот православен празник Свети Никола и годинава беше повод жителите од нас. Жабино Маало, традиционално да го чествуваа со радост и желби за здравје и просперитет. Во нивното маало се собраа голем број верници, главно жители од населбата Жабино Маало , но дојдоа и гости од другите населби, пред параклисот изграден во чест на светецот Св.Николај – Чудотворец и како што е ред, во духот на православието и традицијата со водоосветување и прережување на празничниот колач го прославија празникот.
Домаќинот на светиниколското чествување во насeлбата Жабино Маало, при оваа пригода подготви пригодна славска трпеза,со која беа послужени гостите.
Претставници од локалната самоуправа и од Советот на Општина Прилеп беа дел од ова чествување.
.
