По наредба на Основното јавно обвинителство Прилеп, Управата за финансиска полиција започна постапка поврзана со наводи за злоупотреби во работата на прилепската болница.
Според неофицијални информации приведени се 27 лица поврзани со сомнежите за сторен криминал во работењето на прилепската болница. Според првичните информации, истрагата опфаќа повеќе лица, вклучително раководни лица, а се сомнева на злоупотреби со јавни набавки во вредност од околу 800.000 евра. Според неофицијалните информации, истрагата е насочена кон сомневања за злоупотреби при спроведување на тендери и други финансиски неправилности во работењето на болницата, а под лупа се над 30 лица.
Од Обвинителството информираат дека дејствијата се во тек, а повеќе детали ќе бидат објавени утре.
Се очекува дека активностите ќе ги вклучуваат преглед на документација и други мерки кои ќе помогнат да се утврди евентуалната одговорност на лицата поврзани со овие наводи.
