Легендарниот босански фолк пејач Халид Бешлиќ почина денеска (07.10 2025) на 72-годишна возраст, по кратка борба со тешка болест.
Во текот на својот живот, тој издаде повеќе од десет студиски албуми и одржа стотици концерти низ целиот свет, а покрај својата музичка креативност, беше познат и по својата скромност и хуманитарна работа, и беше омилен пејач во сите земји од нашиот регион.
Халид Бешлиќ концертно го посети и Прилеп.Тој настапи на 11 – тиот по ред „Пивофест“ 2013 година, како специјален гостин во третата фестивалска вечер.
Роден е на 20 ноември 1953 година во Кнежина кај Сокоч и остави неизбришлив белег на музичката сцена на поранешна Југославија и пошироко.
Неговата кариера, која траеше повеќе од четири децении, вклучува безброј хитови кои станаа зимзелени и неопходен дел од секоја забавна, радио и кафанска музика. Меѓу неговите најголеми хитови се: „Миљачка“, „Не можам да живеам без тебе“, „Романија“, „Еј Зора, не се буди“, „Прв бакнеж“, „Не сакам, не сакам дијаманти“, „Сакам да се случи“, „Се враќам кај мајка ми во Босна“ и многу други. Неговите песни ќе продолжат да живеат на свадби, во кафеани, на радија и во срцата на милиони луѓе. Тој не беше само музичар, туку пријател на народот, глас на една генерација и симбол на човечност.
