Под влијание на топол бран до сабота (26.07) времето ќе биде сончево и многу топло со мала до умерена локална облачност. Утре ќе дува умерен, во западните делови повремено засилен југозападен ветер.
Дневната температура насекаде ќе биде над просекот за месец јули. Во Пелагонија максималните температури ќе се движат од 38 до 40°C, додека најтопло ќе биде во Скопски, Вардарски и југоисточен регион каде живата во термометарот ќе се движи од 38 до 42°C.
Министерството за здравство веќе издаде препораки за заштита од високите температури, особено за периодот од 20 до 24 јули, кога се очекуваат најекстремните температурни вредности.
Најпогодени ќе бидат градовите во внатрешноста и Пелагонија, каде според прогнозите, температурата може да надмине 41 степен Целзиусов.
Граѓаните се повикуваат да останат во затворени и ладни простории, особено во периодот меѓу 11:00 и 17:00 часот. Се препорачува консумација на многу течности, избегнување на алкохол и засладени пијалоци, носење светла и лесна облека, како и избегнување на физички напор во најжешкиот дел од денот.
При појава на симптоми како вртоглавица, главоболка, забрзано чукање на срцето или општа слабост, треба веднаш да се побара лекарска помош.
