В недела, на 10 ти мај на тениските игралишта во Прилеп во близина на Могилата на непобедените ќе се одржи едукативен настан за нови родители и промоција на книгата „Време е за Даро“. Едукативно-поддржувачкиот настан е наменет за нови родители или родители на деца до 3 годишна возраст, со цел да обезбеди релевантни информации, стручни совети и практична поддршка во периодот на подготовка за родителството и првите денови по породувањето.
Воедно ќе се одржи бесплатен базар.
Преку внимателно селектирана програма, присутните ќе имаат можност да слушнат инспиративни и едукативни предавања од докажани стручни лица во својата област, кои ќе споделат знаење, искуство и практични совети што навистина прават разлика, велат организаторите од МАМА САМА.
За учество на едукативниот настан влезниците се 500 денари.
