Во кривичниот суд заврши второто рочиште за предметот за пожарот во дискотеката Пулс во Кочани.
Пред почетокот на главната расправа дел од одбраната алармираше за хаос во доказната документација додека дел од обвинетите и нивните застапници реагираа дека го немаат добиено новиот интегрираран обвинителен акт, затоа што на првичното обвинение се додаде и она за агенцијата за обезбедување Рубикон.
Поради тоа тие побараа денес да нема изјаснување по вина за обвинетите кои го немаат обвинението.
По кратка консултација, судечкиот совет ги прифати таквите барања, па главната постапка односно воведните излагања и изјаснувањето за вина беа одложени за следното рочиште.
А тоа како првично беше закажано за утре, се преказажа за следната недела, односно за втори декември.
Извор: ТРН.МК
Содржината на објавата е сопственост на Радио Кочани.
