Во малото зеленило каде што се вкрстуваат улиците „Скопска“ и „Сремска“ во Кочани, денеска беше означен почетокот на проектот за уредување на современ простор наменет за велосипедисти.
Станува збор за изградба на нов вело-полигон, кој се реализира како донација од Стопанска банка АД Скопје.
Планирано е овој простор да зафаќа околу 324 квадратни метри и да биде уреден според модерни стандарди.
Во рамки на проектот ќе се постави целосна хоризонтална и вертикална сигнализација, со што ќе се обезбеди безбедно и организирано движење за сите корисници.
Градоначалникот Грозданов истакнна дека новата содржина ќе придонесе за збогатување на урбаното живеење, особено кај младите. Наместо време поминато пред екрани, децата и тинејџерите ќе добијат можност да се насочат кон спорт и активен живот, како и да ги унапредат своите вештини во возење велосипед.
Реализацијата на проектот ја презема компанијата „Баџак инженеринг“, а според најавите, работите треба да бидат завршени во рок од еден месец.
Новиот вело-простор се очекува да прерасне во омилено место за рекреација и дружење на жителите на Кочани.
Содржината на објавата е сопственост на Радио Кочани.
