Во основните училишта во тек се уписите за идните првачиња за учебната 2025-2026 година.
Согласно реонизацијата потребно е секој родител да се јави за упис во училиштето во кое согласно реонот припаѓа ученикот, од каде што воедно родителите и ќе добијат покана.
Родителите кои нема да добијат покана потребо е да се јават во најблиското училиште, согласно местото на живеење во текот на месец мај оваа година.
За нареднта година треба да бидат запишани 370 првачиња во петте основни училишта кои се наоѓаат на територијата на општина Кочани.
По однос на бројот на запишани најмногу, односно 142 треба да се запишат во ОУ „Св. Кирил и Методиј“, додека во ОУ „Никола Карев“ 77 првачиња, во ОУ „Раде Кратовче“ 56 ученици, а 33 во ОУ „Крсте Петков Мисирков“ – Оризари.
Минатата година, образовниот процес во основните училишта на територијата на Општина Кочани го почнаа 300, а учебната 2023-2024 година, 259 првачиња, додека во 2022-2023 година беа запишани околу 310 првачиња.
Содржината на објавата е сопственост на Радио Кочани.
