По одлуката на Советот на општината на 56 тата седница, од денеска (17.02.2025) објавен е јавниот повик за субвенционирање на инвертер клими за жителите на општина Прилеп.
Општина Прилеп со цел да ги стимулира жителите за примена на грејни тела со инвертер за затоплување на своите домови, кои се поекономични, енергетски поефикасни и еколошки прифатливи за околината, на жителите кои имаат купено грејно тело со инвертер во период од денот објавувањето на јавниот повик, а најдоцна до денот на завршување на јавниот повик, односно до искористување на предвидените средства, ќе им надомести дел од трошоците :
– до 50% од вредноста на набавеното грејно тело со инвертер, но не повеќе од 10.000 денари во нето износ по лице/ домаќинство, за набавка на грејно тело со инвертер за барателите кои поднеселе комплетно барање и ги исполниле критериумите согласно јавниот повик .
Персоналниот данок на доход паѓа на товар на исплаќачот.
Јавниот повик трае од денот на објавувањето од 17.02.2025 година заклучно со 17.03.2025 година, односно до искористување на предвидените средства, до кога и ќе можат да се достават барањата.
Јавниот повик е објавен на ВЕБ страната на општина Прилеп каде се прецизирани условите за учество.
