Денеска во Кочани се одржаа верски обреди по повод годишнината од трагичниот пожар, во спомен на загинатите.
Во црквата „Св. великомаченик Георгиј“ најнапред беше отслужена света литургија за упокоените, по што се одржа и општ парастос.
Со богослужбата чиноначалствуваа Неговото блаженство, архиепископот охридски и македонски г.г. Стефан и Неговото високопреосвештенство, митрополитот на Брегалничката епархија г. Иларион, во сослужение на свештенството од епархијата.
На обредите присуствуваа граѓани, верници и претставници на институции, кои со молитва и почит оддадоа спомен на настраданите во трагичниот настан.
Содржината на објавата е сопственост на Радио Кочани.
