Виктор Николоски: БЛАГОДАРАМ ОД ❤️ ДОБРИ ЛУЃЕ

Оригинален линк на написот: Radiopela.mk

Виктор Николоски од Прилеп им се заблагодарува на своите сограѓани и пријатели за хуманата поддршка, несебичната помош за негово справување со болеста и успешната операција. Преку разни начини за донации, хуманитарни културно забавни настани, поставени кутии пред продавници и услужни дуќани во прилепската чаршија неговиот роден град и сите хумани луѓе до кои допре апелот за помош се обезбедија потребните средства за операција.
Но, акцијата за помош продолжува зашто ќе бидат потребни средства и за рехабилитација по тешката операција.
Виктор Николоски е 26-годишен млад човек, посветен сопруг и татко на прекрасно четиримесечно бебе. Веднаш по крштевката на неговото дете Виктор дознава дека има тумор на главата. За да има шанса за живот и да остане со своето семејство, неопходна беше ИТНА операција која се изврши во клиника во Турција на 30 ти јануари.

Благодарност од срце Драги пријатели, познати, непознати хумани луѓе и сите што ми подадовте рака во најтешките моменти потребната сума е собрана. Благодарност до Фондација Павел Андреев Македонија, до Општина Прилеп , до сите граѓани на општина Прилеп кои се заложивте за мене и моето семејство. Од дното на срцето ви благодарам за вашата несебична поддршка, љубов и дарежливост. Благодарение на вашите донации, мојата операција беше изведена на 30.01.2025, професорот презадоволен од направеното, патологијата мора да ја чекаме некои 2 недели за да знаеме што понатаму и сега сум во процес на опоравување. Не постојат доволно зборови со кои би можел да ја искажам мојата благодарност. Вашата помош ми даде надеж, сила и верба дека не сум сам во оваа борба. Вие сте доказ дека хуманоста и добрината сè уште постојат, и секој ваш гест значеше неизмерно многу за мене и моето семејство. Се надевам дека еден ден ќе можам да ја вратам оваа добрина на некој друг кој ќе има потреба, исто како што вие ми помогнавте мене. Нека вашата добрина ви се врати со многу среќа, здравје и љубов. Со огромна благодарност, Виктор Николоски

 

Категорија:

ОСТАНАТО ОД РУБРИКА

Ново во Прилеп – Џудо клуб ОСАКА – клуб пред кого престојат многу предизвици (ВИДЕО +ФОТО)

Џудото е достапен спорт за секого , со редовна обука и развој на координација и реакција во текот на обуките се стекнува одлична дисциплина но и се формира и зајакнува личноста и нејзиното здравје.Џудото е и инспирација која ве води како идеа на џудо турнирот до крајниот исход без разлика...

Кражба на водоводот во Манастирот Трескавец го пролонгира пуштањето во употреба

Најавен пред година и половина (јуни 2023та) дека ќе се реализира за 4 месеци, водоводот на манастирскиот комплекс Трескавец повторно наиде на пречка. Овој пат причината е кражба на дел од електрониката и каблите од водовoдниот систем. Информацијата стигна како одговор на новинарско прашање за тоа:  До каде се градежните...

(ВИДЕО)Тошеска: Стартуваме со три нови социо-здравствени услуги во регионот на Прилеп

Медицинска сестра во заедницата, спортски едукатори за лица со попреченост, Центар за дневен престој на стари лица за активно стареење… Граѓанската идеја и иницијатива на Здружението Центар за развој и едукација Прилеп за услугата „Помош и нега во домот“ се институционализира со поддршка на Министерството за социјална политика и млади...