Ангела Ајтовска, некогаш ученичка во Училиштето за цртање и сликање на ЦК „Бели мугри“ со кое раководи Александра Димитрова, сега веќе дипломиран калиграф и графички дизајнер, магистер во својата струка, синоќа во Националната установа од Кочани ја имаше првата своја самостојна изложба, насловена „Калиграфска“.
Изложбата, всушност, претставува збирка што содржи различни стилови на калиграфија од неколку европски култури, а напишаното е поезија на повеќе јазици.
При изработката користени се неколку видови инструменти: метални пера, четки, туш и гускино перо. Три од делата прикажани на изложбата се наградени на интернационален конкурс за букви.
Во претходница на Калоиграфската изложба, Ајтовска реализираше работилници за калиграфија со дваесетина ученици од основните и средните училишта во градот.
Во видео материјалот што следува проследете ги изјавите од авторката на изложбата на рачно пишани калиграфии, Ангела Ајтовска и директорката на „Бели мугри“, Габриела Стефановска.
Содржината на објавата е сопственост на Радио Кочани.
