Специјализантите полагаа тест за вработување во Клиничка болница-Битола и општите болници во Прилеп, Охрид и Кичево

Оригинален линк на написот: Radiopela.mk

Започна процесот на решавање на недостигот од специјализанти во Клиничката болница Битола, општата болница со проширена дејност Прилеп, и општите болници Охрид и Кичево. Денеска 34 специјализанти во Битола полагаа тест за вработување.Тестирањето на приватни специјализанти се одвиваше на Техничкиот факултет во Битола.

Според Клековски, со денешната активност на долг рок се очекува покривање на специјалност кои недостигаат во здравствените установи во југозападниот регион на државата.

-Денешната активност е почеток и придонес за решавање на недостигот од човечки ресурси во болниците во овој дел од земјата и се надеваме дека ќе продолжиме со следната група специјализанти. Знаеме дека најголем дел од болниците во овој регион функционираат со намален број на лекари и ова е првиот чекор за решавање на проблемот. На долг рок очекуваме покривање на дел од специјалности кои ги нема затоа што во моментов нема доволно специјалисти. Со новите ресурси ќе се зголеми бројот во оддели каде што состојбата е критична во однос на потребни специјалисти за задржување на дејноста, истакна Клековски.

На прес конференција во Битола, проф. д-р Игор Николов, советник за здравство во Владата потврди дека вработувањето на млади специјализанти во здравствениот систем е државен императив.

Вработување на приватните специјализанти е приоритет за нас. Со овие вработувања ние ги задржуваме младите лекари во земјава, но и во системот бидејќи нашата намера е да бидат задржани во јавното здравство и да работат во системот. На младите лекари, на младите здравствени работници е иднината на целиот здравствени систем. Без здрави млади здравствени работници, особено специјализанти кои што сакаат да се едуцираат и сами се финансираат, не можеме да градиме сериозен и планиран здравствен систем, истакна Николов.

Извор: 4news.mk

 

Категорија:

ОСТАНАТО ОД РУБРИКА

Петра Лукароска кандидат за градоначалник на Прилеп од СДСМ

На прес конференција доцна попладнево претседателот на СДСМ Венко Филипче ја соопшти одлуката на Извршниот одбор на партијата, која се однесува на давање согласност за кандидатури за градоначалници за претстојните локални избори. Одлуката се однесува на кандидати за градоначалници за уште 16 општини. За Прилеп кандидат за градоначалник е Петра...

Активни два пожари во прилепско

Oд вкупно 25 во текот на денешниот ден, aктивни се осум пожари на отворен простор заклучно со 18:30 часот, информира Центарот за управување со кризи (ЦУК). Изгаснати се 15, а под контрола се пет пожари на отворено. Во општина Прилеп активни се два пожари помеѓу с. Царевиќ и с. Смолани...

IN MEMORIAM: Почина универзитетската професорка од Прилеп, д-р Рамона Маркоска

Вчера, на(17.7.2025 година) почина д-р Рамона Маркоска, (1963- 2025) редовен професор на Факултетот за информатички и комуникациски технологии – Битола, Универзитет „Св. Климент Охридски“ – Битола. Д-р Рамона Маркоска академската кариера на Универзитетот „Св. Климент Охридски“ – Битола ја започна на Техничкиот факултет – Битола во 2008 година, а во...