Комфи Ангел во интерес на подобрување на квалитетот на наставно образовниот процес и изведување на практичната настава денеска на СОУ „Ѓорче Петров“ Прилеп донираше опрема и материјали, за што од училиштето информираа на социјалните мрежи изразувајќи благодарност.
Денес, Друштвото за производство на текстил, текстилни производи, трговија и услуги Комфи Ангел, како знак на добра соработка со нашето училиште, донираше: две употребувани машини во одлична состојба, компјутер, текстилни материјали и машински конци за шиење за потребите на учениците од текстилно-кожарската струка.
Исто така, за опремување на кабинетот по нега на болен каде што се изведува практична настава за профилот медицинска сестра донирани беа: перници, навлаки за перници, јоргани, навлаки за јоргани и долни чаршави.
Благодарност до раковдството на компанијата и до директорката Ирена Јакимоска.
Со тоа продолжува соработката на Комфи Ангел со образовните институции Македонскиот бренд за производство на постелнина е препознатлива по својата општествена одговорност вложувајќи несебично со донации за подобрување на квалитетот на живот и учење.
