Учениците Стефан Николоски, Ана-Марија Блажеска, Ангел Алексоски и Андреа Василеска во конкуренција од над 50 учесници, од 10 градови, две држави – Македонија и Шведска, 9 факултети, три средни училишта и 12 студентски организации под менторство на професорите Ѓорѓија Гагалески, Ивана Тодороска и Анастасија Матракоска со својата иновативна идеја Паметно урбано зеленило освоија ПРВО МЕСТО на хакатонот кој се одржа на Факултетот за информатички и комуникациски технологии – Битола на тема: Мултидисциплинарни предизвици на тројната транзиција: социо- економски, зелени и дигитални транзиции.
Учесниците, своите интервенции (решенија), ги прикажуваа пред жири комисија од седум членови, составена од бизнисмени, професори, претставници на граѓанскиот сектор, како и стручни лица во областите на енергетика, храна и дигтализација.
На финалната презентација се преставија 11 тимови во две сесии, едната за средношколци, другата за студенти, кои преку принципите на тројната транзиција, одговорија и на методологијата CIMO и Context Intervension Mehanisms Outcomes) на предизвиците за храна, енергетика и инклузија.
