Дел од вработените во Македонска Пошта денеска протестираат поддржани од Сојузот на синдикатите на Македонија. Причината е како што истакнаа на протестот во Скопје задоцнување на исплатата на плати и лошите услови во кои што работат.
„Три, четири месеци доцни платата. Вработените се крајно револтирани и затоа што 60% од нив земаат минимална плата, и таа плата не ја земаат редовно. 1.700 вработени чекаат плата. Од нив 300 поштари на кои не им е регулиран статусот,“ изјави Сашо Димитриески, претседател на синдикалната организација на Пошта во Скопје.
Во Прилеп и регионот денеска со подрачните единици во останатите општини: Крушево, Кривогаштани, Воѓани, како и општина Долнени: Лажани, Дебреште, Црнилиште, Костинци поштата функционира. Исклучок се дел од поштарите кои го изразија своето незадоволство со неуредна достава на поштата до граѓаните.
