Денеска градоначалникот на Општина Прилеп, Дејан Проданоски оствари работна средба со амбасадорот на Обединетото Кралство во Македонија, Метју Лосон во присуство на претседателката на Советот на Општина Прилеп и прилепските пратеници. На средбата станало збор за потенцијалите на општина, бизнис климата, тековните и планираните инфраструктурни инвестиции, како и поволностите кои општината ги нуди за потенцијалните инвеститори.
Од страна на амбасадорот била презентирана работата на Британската бизнис асоцијација, со јасна определба за зајакнување на деловните врски и поголема поврзаност помеѓу компаниите, можност што отвора пат за нови инвестиции во регионот. На средбата се разговарало и за Договорот за стратешко партнерство помеѓу двете влади, чија реализација опфаќа и капитални проекти од огромна важност, меѓу кои и изградбата на хидроелектраните Чебрен и Галиште, Воедно двете страни ја потенцирале важноста за зацврстување и продлабочување билатералните односи за подобрување на условите за живот, развој и економски напредок.
