Прилепската болница го зголемува својот специјалистички тим. Д-р Афродита Аџиоска се приклучува на кардиолошкиот тим во болница. Од европско искуство до домашно здравство –
д-р Афродита Аџиоска, специјалист по кардиологија со професионално искуство стекнато во Софија, Р. Бугарија и 2.5 г во Германија, од денес е дел од кардиолошкиот тим на интерно одделение при ЈЗУ Општа болница со проширена дејност – Прилеп.
Нејзиното искуство опфаќа дијагностика, следење и лекување на различни кардиолошки состојби, со што претставува значајно засилување за болницата и за унапредување на здравствената заштита на пациентите.
Образованието го завршила на Медицинскиот универзитет во Софија, а специјализацијата по кардиологија ја стекнала во Националната кардиолошка болница.
„
Со нејзиното доаѓање, таа е втор кадар што од европската унија се враќа и се приклучува на тимот на болницата, што претставува уште една потврда за ангажманот на раководството и владата на Република Македонија за јакнење на стручниот медицински персонал.“ стои во информацијата на ЈЗУ Општа болница со проширена дејност “Борка талески“ – Прилеп.
