Со поддршка од Министерството за спорт, во 2026 година целосно ќе се реконструираат два значајни спортски објекта во Кочани: Спортската сала „Сашко Лазаров-Чапо“ и Салата за гимнастички спортови „Партизан“.
Имавме продуктивна средба со министерот за спорт Борко Ристовски, на која ни беше најавена реконструкцијата на двете сали, инвестиции коишто претставуваат значаен чекор напред за развој на спортот во општината и ќе обезбедат современи услови за тренинг и напредок на младите таленти – соопшти по средбата претседателот на Советот на Општина Кочани Александар Андов.
На средбата присуствуваше и секретарот на Општина Кочани Драган Ананиев, кој упати благодарност до Министерството за спорт и министерот Ристовски за поддршката и партнерскиот однос со единицата на локалната самоуправа.
Содржината на објавата е сопственост на Радио Кочани.
