На ден 23.01.2025 година, во ЈЗУ Општина болница со проширена дејност-Прилеп, се одржа состанок на Комисијата за интерна контрола на работата на здравствените работници во врска со случајот на починатите близначиња, формирана по барање на директорот, д-р Кире Јоноски. По разгледување на целокупната документација и околностите, беа донесени следниве заклучоци: Од прегледот на собраната медицинска документација е утврдено дека мајката го прекинала болничкиот третман на сопствено барање, за што постои нејзин потпис во соодветната документација. За време на болничкиот престој, новороденчињата биле третирани согласно принципите на медицината базирана на докази и во согласност со интерните процедури на неонатолошкото одделение, вклучително и нивниот испис на барање на родителот. Во најскоро време, потребно е да се ангажира социјален работник, кој ќе го засили тимот и ќе придонесе кон подобрување на севкупното функционирање на установата.“ информираат од ЈЗУ Општа болница со проширена дејност – Прилеп
Две новороденчиња, близначиња, машко и девојче, стари 14 дена починале на 16 јануари поради премерзнување.Здравствените работници што ги лекувале, ги испишале близначињата од болницата по барање на мајката, иако двете биле предвремено родени и со мала телесна тежина.
