На денот кога в.д. градоначалникот Венко Крстевски ја презеде функцијата, на 16 април 2025 година, Општината се соочуваше со финансиски товар од 40.927.040 денари.
Денес, на 1 септември 2025 година, обврските се намалени на 15.848.796 денари, што претставува значително олеснување за општинскиот буџет.
Овој резултат е постигнат преку внимателно планирање, рационално користење на средствата и одговорен пристап кон јавните финансии.
Во моментов Буџетот на Општина Кочани располага со 13.809.674 денари на својата сметка, што е јасен показател за финансиска стабилност и за капацитет навремено да се сервисираат тековните и идни обврски.
Изминатиот период ја потврди успешноста на транспарентното и функционално управување.
Посветеноста кон граѓаните и развојот на Општината се покажаа како клучни фактори за долгорочен и стабилен раст.
Со позитивните резултати од ваквиот пристап се подобруваат јавните услуги, се реализираат проекти и се создава цврста основа за уште поинтензивен развој во иднина во интерес на сите граѓани на општина Кочани.
Содржината на објавата е сопственост на Радио Кочани.
