На 27.04.2026 во Виница, полициски службеници од ОВР Виница го приведоа Ј.К.(34) од Виница, постапувајќи по претходна пријава дека агресивно се однесувал и се заканувал на соседот Е.А.(34) од Виница.
При преземање мерки било констатирано дека Ј.К. е под дејство на алкохол, односно му биле измерени 1,57 промили алкохол во крвта.
Во врска со истиот настан, Е.Ш.(43) од Виница во ОВР Виница пријавила дека таа и нејзиниот сопруг Ј.К.(34) биле физички нападнати од Е.А.(34) во дворот од нивната семејна куќа. Се преземаат мерки за расчистување и документирање на случајот, по што ќе бидат поднесени соодветни пријави.
На 27.04. 2026 околу 23:00 часот на ул.„Тодосија Паунов“ во Кочани, полициски службеници од ОВР Кочани го лишија од слобода Ј.Ј.(42) од Кочани.
При сообраќајна контрола било запрено патничко возило „фолксваген поло“ со кочански регистарски ознаки, кое го управувал, при што е констатирано дека го управува возилото без претходно да се стекне со право на управување на возило од Б категорија.
По целосно документирање на случајот против него ќе биде поднесена соодветна пријава.
Содржината на објавата е сопственост на Радио Кочани.
