Со песната „Вечниот Бог“, а во духот на празничната радост и традиција, Кочани го прослави Бадник со голема поворка која започна од храмот „Свети великомаченик Георгиј“.
Над 500 дечиња придружувани од нивните родители, баби и дедовци, се движеа со ѕвездички во рака низ централните улици на Кочани, носејќи светлина и топлина за сите притоа најавувајќи го Христовото раѓање.
Како што поворката се движеше по улицата „Стево Теодосиевски“, Пекара „Младост“ подели коледарски колачиња на сите деца, создавајќи весела атмосфера и додавајќи уште еден момент на радост во празничниот ден.
Поворката продолжи пред зградата на Општина Кочани, каде градоначалникот, Владко Грозданов, се приклучи на празничните активности.
Тој, во духот на љубезноста и солидарноста, подели божиќни колачи.
Содржината на објавата е сопственост на Радио Кочани.
