Новата сезона во Втората македонска фудбалска лига ќе започне на 15 август, кога ќе се одиграат натпреварите од првото коло.
Според пропозициите, првопласираната и второпласираната екипа директно ќе обезбедат пласман во Првата лига, додека третопласираниот тим ќе игра бараж со осмопласираниот состав од елитното друштво.
Последните три екипи на табелата ќе испаднат директно во Третата лига.
Во воведното коло, Беласица на домашен терен ќе го пречека Осогово, а Детонит Плачковица ќе гостува кај ланскиот прволигаш Шкупи.
Поранешниот прволигаш Работнички ќе се соочи со Кожуф.
Пелистер, кој минатата сезона испадна од Првата лига, ќе биде домаќин на новиот второлигаш Камјани. Брера
Струмица ќе игра против новиот член на Втората лига, Еуромилк ГЛ, Охрид ќе се сретне со Новаци, додека Македонија Ѓорче Петров ќе го пречека Тетекс.
Во есенскиот дел од сезоната се предвидени 13 кола, а последното ќе се одигра на 28 ноември, по што следува зимска пауза.
Во пролетниот дел ќе бидат одиграни уште 13 кола, со што сезоната ќе биде комплетирана со вкупно 26 првенствени кола.
РАСПОРЕД:
Screenshot
Содржината на објавата е сопственост на Радио Кочани.
