ФА „Осоговски извор“ – Оризари вечерва во Домот на културата во Оризари го одржа третиот концерт со наслов „Во очи на Св. Атанасиј“.
Поводот за организацијата претставуваше празникот „Св. Атанасиј“, кој се одбележува , денеска, 31 јануари.
Фолклористите се претставија со стари музички изведби и обичаи од Осоговијата, а преполната сала беше најголемата потврда за успешно организираната манифестација.
На настанот учествуваа и АТМИ „Митко Алексов“ – Кочани, КУД „Вера Јоциќ“ од Македонска Каменица, како и „Подарешани млади“ – селото Подареш, Радовиш.
Инаку, ФА „Осоговски извор“ беше реактивиран во месец ноември 2023 година.
Денес ансамблот го сочинуваат млади музичари кои на професионален план ја негуваат македонската изворна музика.
Нивниот успех го потврдуваат признанијата кои ги добиваат и овациите од страна на публиката.
Содржината на објавата е сопственост на Радио Кочани.
