Синоќа на Летната сцена на ЦК „Бели мугри“ во Кочани беа прикажани два филма. Најпрвин, публиката го проследи краткиот филм „Пепи и Муто“ во режија на младиот Георги Унковски. По него следуваше еден од најнаградуваните македонски играни филмови во поседните фесетина години, „Исцелител“, во режија на Ѓорче Ставрески, со Благој Веселинов – Бажо во главната улога и Наталија Теодосиевска, која има епизодна ролја, двајцата родени кочанци.
Вечерва, сабота, 13 септември, на програмата се краткиот филм „Човекот со чудна навика“ во режија на Вардан Тозија и долгометражниот документарен музички филм „Ефтеркланг Македониум бенд” во режија Андреас Јонсен, кој одушеви на меѓународна сцена.
На крај, следува разговор со еден од главните протагонисти во филмот на данецот Андреас Јонсен, нашиот Владица Младеновски.
Прикажувањето на филмовите започнува во 20 часот и е бесплатно.
Кино на отворено во Кочани е иницијатива посветена на заедницата и младите во овој град, како гест на поддршка и солидарност по трагичниот настан во март 2025 година, од страна на Јуроп хаус. Реализатори се Младинскиот културен центар од Скопје, кој донесе одлична опрема и техника за кино на отворено и ЦК „Бели мугри“ .
Содржината на објавата е сопственост на Радио Кочани.
